很想念台灣，包括我的好朋友，我的乾女兒s (剛有新member報到)，當然還有美食。没辦法抽空飛去，唯有特意走去荔枝角的工廠區吃一吃台灣的風味，慰相思之苦。
然後那天真的台灣癮起(你也知道在港的正宗台灣店不多)，search吓就發現程班長搬咗竇去荔枝角的工廠區，規模好像大了點，餐點也多了選擇。
上到去，我諗我真係大鄉里喇，成下午3點都有8成滿。店員都是台灣人，而且店內格局和陳設都好台灣吓。
他們的做法是去cashier點餐，俾錢，攞號碼牌，揾位坐，店員就會根據號碼牌送餐。
我今次去係以試菜心態，所以叫咗好多單點，試多幾種唔同嘅食品，分別點了:
清燉半筋半肉麵 ($52)
雞排單點 ($28)
單點大腸 ($30)
綜合滷味 (甜不辣，豬耳，鹵蛋) ($25)
虎咬豬(刈包) ($32)
甜點
黑糖芋圓 ($25)
綠豆芋圓 ($28)
飲品
山粉圓 (跟餐$8)
古早紅茶 (跟餐$8)
先來了清燉半筋半肉麵，我食麵第一件事就試湯頭。有點藥材味，味道幾似，但不覺得是燉的。牛筋炆得林，都入味。牛肉也算林和入味，算可以。麵條方面，在餐牌上寫明會Q彈的，放入口...麵是自家制的沒錯，可是並不Q彈，表面也不滑。老實說，在皇上皇買急凍的回家自己整好食啲。
分拆開來的各樣材料分析完，然後一拼放入口，總覺得各樣材料之間欠了synergy。所以綜合所有元素，這碗麵仍然是相當之普通。
然後是雞排。單看外貌就知不行了，但雞不可以貌相，食一口。
完全是隔了幾夜的雞排，又乾又實。表面有色，但吃不出有什麼調味，你灑一點鹽酥雞的味精粉也可以，起碼有點台灣味。食多一啖後頂唔順，放棄。
大腸只可單點，不可拼其他，份量算ok。腸通得乾淨，脂肪已沖走，已先下加了點辣油，味道和口感良好。
甜不辣，豬耳，鹵蛋的綜合拼盆$25份量亦合理。甜不辣真的是台灣那種質地，黏黏有咬口的，呢個似樣了！豬耳稍微硬了點，要再鹵耐一點便好。鹵蛋是很小的一隻切成4份。
吃了大約15-20分鐘，當店極力推介的重頭戲 - 虎咬豬(刈包) 送到！
用L字型開口紙袋包著令我好期待，入面一個圓型小包切了一半，熱辣辣的！
看看內餡，底層是一點雪菜，上面一塊五花腩肉，肉面放了芫荽還有一點像芝麻的混合物。
一口咬下，第一個反應係：好鬼甜呀！
原來芝麻混合物是芝麻和糖。
我先澄清一下，我對不同國家的食物接受能力是很高，as long as it's authentic。我去過土耳其食羊奶飯，所有人都頂唔順覺得好酥，但那是當地的傳統制法，傳統味道，的確好酥，但其實幾好味。
講返個刈包。包已有點甜，再加糖係好甜。塊肉唔夠肥，有渣。應該用肥瘦肥瘦相間的五花做才對，呢塊係肥一邊瘦一邊。再說，同碗面一樣，無一啖咬落去嗰種和諧感，成個食感係散開晒。
對刈包有興趣想食的話，之前去過佐敦渡船街的「有緣小敘」，佢地做嘅味道就authentic又有和諧感覺。但他們搬了大舖後沒去過，不知水準是否仍然維持到。
好了，試埋甜點吧。都是芋圓，可選黑糖，紅豆或綠豆。點了黑糖和綠豆，內有芋頭和地瓜(蕃薯)丸，都是QQ的，但味道仍是悶悶的。都係嗰句，去皇上皇買急凍的回家自己整都得，唔駛俾廿幾蚊碗咁貴。
食完之後望下仲留喺檯面碗牛肉麵嘅湯，個面擎晒糕，好驚啊！我究竟食咗幾多羹油?!
總的來說，2個人食個台灣街邊風味晏食咗$236，一點都不便宜，況且不太對味
正如某人話齋，台灣癮起想一吃台灣風味，喺香港係食唔到㗎，倒不如食個對味的茶餐廳好過，仲唔駛咁貴。
咁又唔係喎，如果淨係想食滷味，都有選擇嘅。在太古吉之島超市側邊有一間外賣熟食的店叫「狀元香」係專做台式滷味，就好似上文提到那種，食物已鹵好9成display出來，揀好後店員幫你再放入熱滷水內燙熱。雖然個名就唔係幾"老黎"，但勝在食物種類多，又幾對味。
我買咗4塊甜不辣，1塊芋頭糕，1塊豬耳，1條大腸，1塊豆皮，1隻鴨腎，1隻大翼。一共HK$99.9。好似都唔平，但其實多到要食幾日。
程班長台灣美食
荔枝角長沙灣道883號億利工業中心1樓102室
2576 1199
台北狀元香滷味
AEON, 1/F., 1 Kornhill Road, Taikoo
太古康山道1號康怡廣場AEON超級巿場1樓
No comments:
Post a Comment