EAT - 日本東京 女性大人氣芝士沾麵 三ツ矢堂製麺

十幾年前去東京食一蘭拉麵覺得好好食，但我近幾年去日本已沒再去過一蘭了，可能因為食過比一蘭好吃很多的，也可能因為香港開了一蘭就唔馨香。無論原因是什麼，去到日本點都要食一次拉麵嘅，發掘吓其他拉麵店先，咁食邊間好呢？

聽說這家三ツ矢堂製麺是人氣沾麵店。剛好由代官山走到中目黑，就在中目黑駅西口對出有一家，就進去囉！

吸引我試的原因是那個女性大人氣的芝士沾麵，因為我很喜歡吃溶了的芝士。另外也點了一個叉燒沾麵。下午3點幾，廿幾個位都差不多滿，要搭檯。坐在同桌的日本男士由一開始食就"see lee sur lur" 好似好耐無食過嘢咁，一路食一路發出感嘆又滿足的聲音。我心諗，有冇好食到咁誇張。

好喇，我的麵來了！

 分別三個碗放麵條，沾麵汁和溶芝士醬

 先把芝士醬淋上麵上，再夾起放入沾麵汁內，吃！

沾麵汁是濃厚的豬骨湯底加了柚子汁。沾麵汁內有肉粒碎，鳴門魚 片和大蔥。
由於是沾麵的關係，湯是特濃，汁沾了上麵入口味道便會啱啱好。
麵條粗幼度和筷子頭差不多，橫切面是正方形的。表面順滑，入口彈牙，麵條是很好吃的。
可是我個人認為芝士醬加了微酸的柚子豬骨湯底呢個combination好怪，我personally認為一啲都唔夾。

反觀正常的叉燒沾麵，味道就合情合理好多，叉燒表面看來很瘦，但入口卻很鬆化。
微酸的柚子味將豬骨湯底的油膩感中和，這店引以自豪的湯底配搭的確創新得來唔係得gimmick，著實是不錯。

吃完麵之後，檯面有一個熱水壺，內裏裝著高湯，將熱滕滕的高湯倒入沾麵汁內稀釋，渴湯。哈哈，估唔到碗湯仲好味過頭先食麵時。

我一直背著廚房坐，吃完回頭才看到店內有製麵工房，怪不得麵條這麼彈牙好吃。

其實以前每次去東京都會食返之前食過好食的店，除非有人特別推薦，否則很少試新店，怕吃了不好吃的浪費了個胃的Quota。
但今次就覺得要走出框框，試吓啲新嘢，又好𡃓。

三ツ矢堂製麺分店資料